ຄວາມຮູ້ສຶກຂອງຕະຫຼາດຍັງເປັນບວກເລັກນ້ອຍ ເຖິງແມ່ນຂາດປັດໃຈກະຕຸ້ນສຳຄັນ ຂະນະທີ່ນັກຊື້ຂາຍຍັງຮັກສາຄວາມເຊື່ອໝັ້ນໃນແງ່ດີທີ່ກ່ຽວກັບຈີນ ໂດຍຫວັງວ່ານະໂຍບາຍການເງິນແບບເຂັ້ມງວດຈະສິ້ນສຸດໄວຂຶ້ນ.
ຄວາມຫວັງໃນແງ່ດີຢ່າງລະມັດລະວັງ ປະກອບກັບຜົນຕອບແທນພັນທະບັດ Treasury ທີ່ອ່ອນຕົວ ກົດດັນເງິນໂດລາສະຫະລັດ. ສິ່ງນີ້ຊ່ວຍໃຫ້ລາຄາສິນຄ້າໂພຄະພັນ ແລະສະກຸນເງິນຂອງອົດສະຕຣາລີກັບນິວຊີແລນປັບຕົວຂຶ້ນເລັກນ້ອຍ.
ເຖິງຢ່າງນັ້ນ GBPUSD ຍັງຄົງແຂງຄ່າຂຶ້ນເປັນມື້ທີ 2 ຕິດຕໍ່ກັນ ເຖິງວ່າຂໍ້ມູນຊີ້ວັດເງິນເຟີ້ຂອງອັງກິດຈະອ່ອນລົງ ກົງກັນຂ້າມກັບຄຳເຫັນເຊີງເຂັ້ມງວດຂອງເຈົ້າໜ້າທີ່ BoE.
ແຕ່ EURUSD ຍັງພະຍາຍາມຮັກສາການຟື້ນຕົວນັບຈາກຕົ້ນອາທິດ ເມື່ອຕົວເລກຄວາມເຊື່ອໝັ້ນຂອງຜູ້ບໍລິໂພກເຢຍລະມັນອ່ອນຕົວລົງ. ນອກຈາກນັ້ນ AUDUSD ແລະ NZDUSD ໄດ້ຮັບອານິສົງຈາກຄວາມຫວັງວ່າຈີນຈະມີມາດຕະການກະຕຸ້ນເສດຖະກິດເພີ່ມເຕີມ ໃນຂະນະທີ່ USDCAD ບໍ່ໄດ້ຮັບປະໂຫຍດຈາກລາຄານ້ຳມັນທີ່ອ່ອນຕົວລົງ.
ໃນຕະຫຼາດອື່ນ ລາຄາຄຳຍັງແຂງຄ່າຂຶ້ນ ແຕ່ລາຄານ້ຳມັນຍັງປັບລົງຕໍ່ຈາກການຖອຍລົງຂອງມື້ກ່ອນ ຈາກລະດັບສູງສຸດປະຈຳອາທິດບໍ່ໄດ້ ເນື່ອງຈາກນັກຊື້ຂາຍສິນຄ້າໂພກພັນຍັງລະມັດລະວັງ ກ່ອນການເປີດເຜີຍຂໍ້ມູນຈາກສະຫະລັດ.
ສຳລັບຄຣິບໂຕ, ສິນຊັບດິຈິຕອນຊັ້ນນຳຍັງຄົງອ່ອນຕົວ ທ່າມກາງຄວາມກັງວົນວ່າລາຄາ Bitcoin ແລະ Ethereum ຈະຜັນຜວນຫຼາຍຂຶ້ນ ພ້ອມກັບຄວາມກັງວົນເລື່ອງກົດລະບຽບທີ່ເຂັ້ມງວດ.
ຕໍ່ໄປນີ້ແມ່ນຄວາມເຄື່ອນໄຫວຫຼ້າສຸດຂອງສິນຊັບຫຼັກ:
ເນື່ອງຈາກຍັງຂາດປັດໃຈກະຕຸ້ນສຳຄັນ ແລະນັກຊື້ຂາຍຕ້ອງການຂໍ້ມູນເພີ່ມເຕີມເພື່ອຢືນຢັນຄຳເຫັນເຊີງເຂັ້ມງວດຂອງຜູ້ວາງນະໂຍບາຍທະນາຄານກາງລາຍໃຫຍ່ທີ່ກ່າວໃນງານ Jackson Hole ຕະຫຼາດຈຶ່ງຍັງເຄື່ອນໄຫວຢູ່ໃນກອບແຄບໃນຊ່ວງຕົ້ນວັນອັງຄານ. ນອກຈາກນີ້ ນັກຊື້ຂາຍຍັງບໍ່ແນ່ໃຈກັບມຸມມອງໃນແງ່ດີທີ່ເຊື່ອມໂຍງກັບຈີນ ເນື່ອງຈາກຄວາມກັງວົນດ້ານເສດຖະກິດກ່ຽວກັບປັກກິ່ງແລະເຢຍລະມັນກຳລັງກົດດັນການຟື້ນຕົວຂອງເສດຖະກິດໂລກຈາກ COVID. ສ່ວນປັດໃຈກະຕຸ້ນທີ່ປະປົນກັນກ່ຽວກັບພາວະເງິນເຟີ້ຂອງອັງກິດ ແລະຖະແຫຼງການເຊີງເຂັ້ມງວດຂອງ BoE ພ້ອມທັງຄວາມກັງວົນວ່າອັງກິດຈະເຂົ້າສູ່ພາວະເສດຖະກິດຖົດຖອຍ ກໍກຳລັງກົດດັນການຟື້ນຕົວຂອງຄູ່ເງິນ GBPUSD.
ຄວນສັງເກດວ່າ ການກັບມາຂອງນັກຊື້ຂາຍໃນອັງກິດຫຼັງວັນພັກຍາວ ປະສານກັບການອ່ອນຄ່າໂດຍລວມຂອງເງິນໂດລາສະຫະລັດ ເພື່ອດຶງດູດນັກຊື້ Cable ໃນຂະນະທີ່ຕະຫຼາດກຽມຮັບຂໍ້ມູນຄວາມເຊື່ອໝັ້ນຜູ້ບໍລິໂພກແລະຂໍ້ມູນທີ່ຢູ່ອາໄສຂອງສະຫະລັດ.
ຫຼັງຈາກໄດ້ເຫັນຕົວເລກດັດຊະນີຄວາມເຊື່ອໝັ້ນຂອງຜູ້ບໍລິໂພກເຢຍລະມັນທີ່ອ່ອນແອ, ຜູ້ຫຼິ້ນໃນຕະຫຼາດຈະຈັບຕາເບິ່ງດັດຊະນີ CB Consumer Confidence, ດັດຊະນີລາຄາທີ່ຢູ່ອາໄສ ແລະຈຳນວນຕຳແໜ່ງວຽກວ່າງ JOLTS ຂອງສະຫະລັດ ເພື່ອເຫັນພາບຕະຫຼາດຊັດເຈນຂຶ້ນ. ແຕ່ຝ່າຍທີ່ມອງໃນແງ່ດີຈຳເປັນຕ້ອງໄດ້ຮັບການຢືນຢັນຈາກຂໍ້ມູນເງິນເຟີ້ແລະການຈ້າງງານຂອງສະຫະລັດໃນອາທິດນີ້ ເພື່ອຮັກສາຄວາມໄດ້ປຽບໄວ້.
ຂໍໃຫ້ທ່ານໂຊກດີໃນການຊື້ຂາຍ!
